გიომ დელილის „კასპიის ზღვის მეზობელი ქვეყნების რუკა“, შავ და კასპიის ზღვებს შორის არსებული რეგიონის პირველი დეტალური რუკაა.

რუკის შექმნაში მნიშვნელოვანი როლი შეასრულა ქართველმა დიპლომატმა, მოგზაურმა და მწერალმა სულხან-საბა ორბელიანმა.

გიომ დელილმა რუკის შექმნაში სულხან-საბას მიერ შეტანილი განსაკუთრებული წვლილი რუკაზე მისი პერსონალური აღნიშვნით გამოხატა და რუკის ლეგენდაში იგი მოიხსენია, როგორც Sofkam Sabas Prince de Geoorgie (სულხან საბა, ქართველი თავადი).

რუკაზე ასახულია საქართველოს ყველა სამეფო-სამთავრო და მხარე, არაერთი გეოგრაფიული პუნქტი, ქალაქი, სოფელი, მდინარე, ტბა, მთა, ციხესიმაგრე, ეკლესია-მონასტერი, გზა და ა.შ.