თურქეთი აზიაში

პიტერ ვან დერ აას მიერ 1713 წელს ლეიდენში დაბეჭდილი თურქეთის აზიური ნაწილის რუკა. 

რუკის მარჯვენა ზედა კუთხეში, შავი ზღვის გაყოლებაზე დატანილია ცნობები საქართველოს შესახებ. სამეფო-სამთავროებად დაშლილ ქვეყანას სრულად ფარავს წარწერა GEORGIE, რაც იმის მანიშნებელია, რომ ლეიდენელი კარტოგრაფი ამ მიწებზე მცხოვრებ ხალხს ერთი ქვეყნის ნაწილად განიხილავდა.

რუკაზე კარგად იკითხება: GURIEL (გურია), IMIRETE (იმერეთი), MINGRELIE (სამეგრელო), ABCASSES (აფხაზეთი), CARDUEL (ქართლი), CAKET (კახეთი).

ვან დერ აას რუკაზე შესაძლებელია საქართველოს შემდეგი ციხე-ქალაქების და მდინარეების ნახვა: Varthi და Lonati (ორივე მათგანი ძველ ევროპულ რუკებზე ბათუმის აღსანიშნავადგამოიყენებოდა), Copolote (ქობულეთი), Fazzo R (მდ. რიონი), Anarghie (ანაკლია), Savatopoli (სოხუმი), Cotatis (ქუთაისი), Akelzike (ახალციხე), Ali (ალი), Kur R. (მდ. მტკვარი), Carachala (ყარაჯალა), Gory (გორი), Teflis (თბილისი) და სხვა.